Mradi ulianza mwaka 2017 mwezi wa tano na kufungwa mwaka 2020 mwezi wa tisa, ambapo mradi ulikuwa unashughulikia Watoto na vijana wanaoishi na kufanya kazi mitaani.
Yafuatayo ni mafanikio ya mradi huo.
| No | Viashiria (Indicators) | Mafanikio |
| 1 | Utambuzi wa Watoto na vijana wanaoishi na kufanya kazi mtaani | 1292 (799 me, 493ke) |
| 2 | Kuwapatia Watoto makao ya muda mfupi | 231 (165 me, 48 ke) |
| 3 | Huduma ya afya na huduma ya kwanza | 977 (658 me, 319 ke) |
| 4 | Kuunganisha Watoto na familia zao | 191 (126 me, 65 ke) |
| 5 | Kuwaunganisha vijana na mafunzo ya ufundi stadi | 273 (78 me, 195 ke) |
| 6 | Kuwapatia vifaa vya kuanzia biashara kwa vijana baada ya kuhitimu masomo | 132 (49 me, 83 ke) |
| 7 | Kuwapatia wazazi mitaji ya biashara | 44 (7 me, 37 ke) |
| 8 | Kutoa vifaa vya shule kwa Watoto waliounganishwa na familia zao Pamoja na ndugu zao wenye umri wa kwenda shule | 428 (320 me, 108 ke) |
| 9 | Kutoa kadi za bima ya afya kwa vijana na watoto wanaoishi na kufanya kazi mtaani | 149 (52 me, 97 ke) |
Baada ya mradi wa kizazi kipya kuisha shirika la Railways Children Africa (RCA), liliongeza muda wa miezi 10 (Julai 2021- May 2022) ambapo lengo la mradi huu ni kuzuia ongezeko la Watoto mtaani. Pia kufanya utambuzi wa Watoto wanaoishi na kufanya kazi mtaani muda wote (Full time street).
Katika kuthibiti ongezeko la Watoto kuingia mtaani msisitizo upo katika kutoa mafunzo ya malezi salama (ACT TRAINING) kwa wazazi na walezi hasa katika maeneo ambayo yana uwezekano wa kutoka Watoto wengi.
Maeneo ya kufanyia kazi ni:
- Kufanya utambuzi wa Watoto wanaoishi na kufanya kazi mtaani
- Kuwaunganisha na familia zao
- Kutoa mafunzo ya malezi salama kwa wazazi na walezi
- Kutoa vifaa vya shule
- Kutoa huduma za afya
- Kutoa mafunzo ya biashara na kutoa chakula kwa familia zenye uwezo duni Zaidi.